Lenin 1924-2024
V. I. U. Leninen heriotzaren mendeurrena dela eta, Ikerketa Sozialisten Institutuak (ISI) kongresua antolatu zuen, 2024ko apirilaren 19an eta 20an ‘Euskalduna Bilbao’ jauregian. Lenin boltxebike itzaltsuaren memoria omentzeaz gain, Institutuaren nahia kongresua eztabaidarako eta hausnarketarako gunea izatea, eta gai politikoei teorikoki heltzea zen. Horrez gain, xedea kongresua Mugimendu Sozialista nazioartean politikoki hedatzeko bultzada ere izatea zen.
Ildo horretan, erro leninistako auziak eztabaidatzeko sei eztabaida-mahai antolatu ziren. Mahai horietako edukien eta hizlarien garrantzia, hain zuzen ere, teoria eta estrategia sozialista garatzeko duten gaurkotasunean oinarritu zen. Hortaz, kongresuaren helburua orainaldiaz jardutea zen, eta langileriaren politika iraultzailerako irakaspenak eta ondorioak ateratzea.
